Стоковые изображения от Depositphotos
Абай облысының Бизнес және сервис колледжінде «Profi Camp» жазғы демалыс лагерінің бірінші маусымы басталды. Ашылу салтанатында балаларды ертегі кейіпкері қарсы алды, көңіл-күйлерін көтеріп, билеп, ойын ойнатты. Лагерьдің бірінші күні бағдарламасы бойынша балалар үстелде кәсіби қызмет көрсетумен танысты, өздері үшін спирограф құрастырды, биологиялық орталыққа барды, ойын-сауық тренингтеріне қатысты, деп хабарлайды Arnapress.kz тілшісі Абай облысы білім басқармасының баспасөз қызметіне сілтеме жасап.
«Profi Camp» бейінді белсенді демалыс лагерінің екінші күні — Мемлекеттік рәміздер күні балалар ҚР Әнұранын орындап, «Мен-патриотпын» квестіне қатысты.
Кәсіби шебер-сыныптарда оқушылар этикет пен қонақтарды қабылдау негіздерін үйренді, төтенше жағдайлар кезіндегі қауіпсіз мінез-құлық, тамақ қауіпсіздігі және жол қозғалысы ережелерінің негіздерімен ойын түрінде танысты.
Колледж 8-14 жастағы балаларды кәсіби демалыс лагеріне қабылдайды. 10 күн ішінде оларды қызықты ойын-сауық күтеді: экскурсиялар мен жорықтар, квесттер, ойындар, ең бастысы «Жас аспаз», «Тәтті өмір», «Өз-өзіне стилист», «Сән және дизайн әлемі», «Біз туристпіз!» үйірмелерінде тәжірибелі оқытушылардың шебер-сыныптарына қатысады. Үш маусым бойы оқушылар үш мезгіл тамақпен қамтамасыз етіледі.
Естеріңізге сала кетейік, осы жазда облыста бес колледж базасында кәсіптік бағдар беру лагерьлері ұйымдастырылады. «ЭКОорман» лагері Бесқарағай колледжі базасында, «SmartkriS» Радиотехника және байланыс колледжі базасында ашылса, Геологиялық барлау колледжі базасында «Жас геолог» кәсіптік бағдарлау лагері, Электротехникалық колледж базасында «ІТ-лагерь» ашылады.
Кәсіптік бағдарлау лагерьлерін ұйымдастыру мектеп оқушыларының кәсіби дағдыларын қалыптастыруға және оларды әртүрлі салалардағы болашақ мамандықтарға дайындауға бағытталған. Лагерьлердің әрқайсысының бағдарламалары нақты құзыреттерді дамытып қана қоймайды, сонымен қатар балаларға практикалық білім мен тәжірибе алуға көмектеседі, бұл олардың кәсіби қалыптасуына маңызды қадам болады.
Сурет: Абай облысы білім басқармасының баспасөз қызметі
По сообщению сайта Arna Press